Lottery Ticket

Lottery Ticket By Jule Vern

લૉટરી ટિકિટ લેખક જૂલે વર્ન

ગુજરાતી અનુવાદ દોલતભાઈ નાયક

જૂલે વર્નનું - લૉટરી ટિકિટ

એક હેન્સન પરિવારની હેન્સન હોટલની માલિકણ ડેમ હેન્સન તથા તેનાં બે સંતાનો પુત્ર જોએલ અને પુત્રી હલ્ડા ઉપરાંત એના પ્રેમી ઓલે કૅમ્પનાં સુખદુ:ખની આસપાસ આ કથા વણાયેલી છે. લગ્ન પછી સમૃધ્દ્ર અને સુખી કુટુંબજીવન જીવવાનાં સપનાં જોતો ઓલે કૅમ્પ એ માટે સ્થાનિક લૉટરીનો સહારો લેતો હોય છે. એમાંથી જ સર્જાય છે – બંનેના જીવનની કરૂણકથા.
છેવટ સુધી સસ્પેન્સ જાળવી રાખતી જૂલે વર્નની આ કથામાં નોર્વે દેશનો ઈતિહાસ છે, ભૂગોળ છે, વેપાર-રોજગારની વાતો છે, તો દૂરના ન્યૂફાઉન્ડલૅન્ડના કિનારા નજીકના તોફાની સાગરમાં માછીમારીનાં દરિયાઈ સાહસો સાથેનું લોકજીવન પણ વણાયેલું છે.
એની સાથે સમાંતરે માણસમાં રહેલા ઉદાત્ત ભાવો તેમ જ પ્રણય અને વિરહની વેદનાની વાતો પણ સાથે સાથે જ વહેતી હોય છે. માણસની પ્રકૃતિમાં રહેલા આ ભાવો ઉપરાંત લોભવૃત્તિની આત્યંતિક્તઓનું પણ નિરૂપણ થયેલું છે.
એવા પરસ્પર વિરોધી ભાવોના મિશ્રણમાંથી બનેલી આ કથા વાચકોને પસંદ પડશે જ એવો વિશ્વાસ છે.