Vesuviyash

Vesuviyash by Yashvant Mehta | Gujarati Novel book

વિસુવિયસ - લેખક : યશવંત મહેતા 

સૂતેલો જ્વાળામુખી જ્યારે જાગી ઊઠે....

                         કંચનરાયની જિંદગીમાં આમ જુઓ તો કશી ખોટ નહોતી. ઘરરખુ પત્ની, તેજસ્વી સંતાનો, મોભાદાર નોકરી, સારી આવક... બધુંય હતું અને પચાસ વટાવ્યા પછી સાંપડતું સામાજિક સન્માન પણ હતું. ગધ્ધાપચીસી પૂરી થઈ ગઈ હતી અને કંચનરાય હવે 'ઠરેલ' આદમી હતા.
                       પણ ‘ઠરેલ' જ્વાળામુખીના પેટાળમાં ઘણી વાર અણજાણ્યો જ્વાળામુખી ધધકતો હોય છે. ગત બે હજાર વર્ષોમાં વિસુવિયસ જ્વાળામુખીએ આનો અનુભવ દુનિયાને કરાવ્યો છે. હવે તો વિસુવિયસ ‘ઠરી' ગયો છે, એવું માનીને એને આશરે વસનારાઓને વિસુવિયસના આકસ્મિક વિસ્ફોટે કેવાં બાળી -પ્રજાળી દીધાં એ આપણે જાણીએ છીએ. ‘ઠરેલ' કંચનરાયના હૈયામાં ભારેલી વૃત્તિઓનો અગ્નિ એક દહાડો આમ જ વિસ્ફુટ થાય છે ત્યારે...…? ત્યારે કેવી ભયાનકતા સર્જાય છે એની આ કથા છે.
                        વિસુવિયસ'ના લેખક યશવન્ત મહેતા ગુજરાતી સાહિત્યની એક અનોખી હસ્તી છે. બાળસાહિત્યથી માંડીને 'બબરિક' જેવી એલેગરિકલ અને 'યુગયાત્રા' જેવી વૈજ્ઞાનિક નવલકથાઓ જેવું વૈવિધ્યપૂર્ણ સાહિત્ય ગુજરાતી ભાષાને આપનારા એમના જેવા બહુ થોડા સર્જકો છે. ‘વિસુવિયસ' વાચકને એક નવો રોમાંચક વાચનરસ આપી જશે.